یاشاسین آذربایجان - Long live Azerbaijan

موللا رئژيمي نين حاکيميتده اولدوغو ايلک ايللردن بو گونه قدر فارس شووينيزمي نين ماراقلاري چرچيوه سينده آپارديغي آيريسئچکيليک سيياستي بوتون ساهه لرده اؤزونو گؤسترمکده دير. حاکيميته گلن بوتون پرئزيدئنتلر ايستيثناسيز اولاراق بو سيياستي يورودوبلر و اؤلکه داخيلينده آپاريلان هر هانسي “ايصلاحات” اورادا ياشايان غئيري-فارس ميلتلرين داها دا آجيناجاقلي وضعيته سالينماسينا حسابلانيب. قئيد ائتمک لازيمدير کي، گونئي آذربايجان اراضيسينده کي نئفت احتياطلاري، نئفت ياتاقلاري نين سايي و اورادا مؤوجود نئفت احتياطلاري نين کئيفيتي حاضيردا رئژيمين و خاريجي دؤولتلرين ماراق دايره سينده دير. موغان نئفت ياتاقلاري نين آشکارلانماسي ايله ياناشي، بيجار و ساوه بؤلگه سينده ده موختليف کشفيات ايشلري آپاريلير. اگر فارس موللا رئژيمي نين اساس قايه سي “واحيد فارس ميلتي” ، “واحيد فارس دؤولتي” ، “واحيد ايران” آدي آلتيندا بير اؤلکه فورمالاشديرماقديرسا، آپاريلان سيياستين ماهيتي تام اولاراق گؤرونور.

---

---

ايران آدلانان اؤلکه ده آپاريلان شووينيست سيياست ايسلامي ده يرلري سوال آلتينا آليب. اگر خمئيني اؤزونون ايدئولوژي کونسئپسيياسيندا عدالت، ميلتلرين هوقوقلاري نين قانونلا تامين اولونماسي، “ميللي” گليرلرين بوتون وطنداشلار آراسيندا برابر پايلانماسي، اؤلکه داخيلينده اقتصادی فساد ايله باريشماز موباريزه وعد وئرميشديسه، اصلینده بو شوعارلارين تملينده شووينيست سيياستين دوردوغو و اورادا ياشايان غئيري-فارس ميلتلرين بو سيياستين تزييقي آلتيندا نئجه ازيلديگي بلليدير.

موللا رئژيمي نين حاکيميتده اولدوغو ايلک ايللردن بو گونه قدر فارس شووينيزمي نين ماراقلاري چرچيوه سينده آپارديغي آيريسئچکيليک سيياستي بوتون ساهه لرده اؤزونو گؤسترمکده دير. حاکيميته گلن بوتون پرئزيدئنتلر ايستيثناسيز اولاراق بو سيياستي يورودوبلر و اؤلکه داخيلينده آپاريلان هر هانسي “ايصلاحات” اورادا ياشايان غئيري-فارس ميلتلرين داها دا آجيناجاقلي وضعيته سالينماسينا حسابلانيب.

بو ميلتلر بو گونه کيمي ان ايبتيداي هوقوقلاردان، او جومله دن آنا ديلينده يازيب - اوخوماق، وطنداش هوقوقلاريندان برابر شکيلده يارارلانماق و.س. محروم ائديلمکده دير.

ايران آدلانان اؤلکه ده ياشايان غئيري- فارس ميلتلرين هرطرفلي اينکيشافينا موثبت تاثير گؤستره بيله جک بوتون ميللي، معنوي ، هومانيتار، ماددي - تئکنيکي و اينتئللئکتوال (دؤشونجه-فکر) ده يرلرين شووينيست سيياسته قوربان ائديلمه سي بير داها او دئمکدير کي، بو اؤلکه ده يالنيز بير تفککور و بير سيستئمين اوستونلوگونون آپاريجي اولماسي نظرده توتولوب.

بو دا فارسچيليق ویا ايرانچيليقدير. شاه زاماني دا بو سيياست باشقا بير ايداره ائتمه سيستئمي آدي آلتيندا آپاريليب.

دؤولت سويييه سينده آپاريلان بو سيياست اؤلکه نين عالي اورقانلاريندا، او جومله دن عالي ميللي تهلوکه سيزليک شوراسيندا تنزيمله نير. ۱۹۹۱-اینجي ايلدن شورانين ترکيبينده ياراديلميش مدنيت کوميته سي اورادا ياشايان غئيري-فارس ميللرلره، اؤزلليکله ده آذربايجان تورکلرينه قارشي بير نئچه ايستيقامتده تخريبات يؤنلو پلانلار حاضيرلاناراق حياتا کئچيريلمه سي مقصديله ياراديليب.بای.

بو کوميته ده موختليف نازيرليکلرين ، او جومله دن ايسلامي ايرشاد نازيرليگي، ايران رسمي خبر آژانسي، داخيلي ايشلر نازيرليگي، اطلاعات و تهلوکه سيزليک نازيرليگي ، خاريجي ايشلر نازيرليگي و ديني رهبرليک ستروکتورونون خوسوسي نوماينده سي تمسيل اولونور.بک.

۱۹۹۵-اینجي ايلده ديني رهبرين امري ايله حاضيرلانماسينا باشلانيلميش “اؤلکه نين ۲۰ ايلليک گله جک اينکيشاف پلاني”ندا دا رئژيمين غئيري-فارس ميلتلري، خوصوصيله ده اورادا چوخلوق تشکيل ائدن آذربايجان تورک ميلتيني اؤز ميللي کيمليگيندن آييرماق و فارسلاشديرماق جهدي نين داها سيستئملي شکيلده دوام ائتديريلمه سي نظرده توتولوب و ۲۰۰۳-اینجي ايلدن باشلاياراق بو پلانداکي موختليف يؤنلو کونسئپسييالارين ايجراسينا ستارت وئريليب.

ايرانين ايجتيماعي-سياسي حياتيندا، ادبيات و متبواعتيندا زامان -زامان باش وئرن تهقير ائديجي مئتودلار ، همچينين ۱۲ مي ۲۰۰۶-اینجي ايل تاريخده رسمي دؤولت قزئتي اولان “ايران” قزئتينده و ۱۲ آپریل ۲۰۰۷-اینجي ايل تاريخده “آفتاب يزد” (”يزد گونشي”) قزئتينده گونئي آذربايجان تورکلرينه قارشي درج اولونان تهقيرآميز کاريکاتورا و يازيلار دا بو پلانين ترکيب حيصه سيدير.بای.

چونکي، “ايران” قزئتينده آذربايجان تورکلري نين “تاراکان” آدلانديريلماسي، “آفتاب يزد” قزئتينده ايسه “تاراکان” سؤزونو ” خالاقيزي” ايله عوض اولونماسي، پارالئل اولاراق اطلاعات حبسخانالاريندا و ايشگنجه اوتاقلاريندا مهبوسلارا قارشي تهقيرئديجي “سوسک” ، “بؤجک” و “تاراکان” ، ايشگنجه اولونان قادين مهبوسلارا “ماده سوسک” (”ديشي تاراکان”) کيمي تهقير ائديجي ايفاده لرين تئز-تئز ايشله ديلمه سي بونلارين هئچ ده تسادوفي اولماديغيني گؤسترير.بک.

اصلینده، رئژيم آپارديغي بو اويونلارلا اورادا ياشايان ۳۵ ميليون آذربايجان تورکونون روحسل (روانی) اولاراق ميللي، مدني ، سياسي و ايقتيصادي اؤزگورلويه لاييق اولماديغيني و بو ديرلرين جمعيته عالي عيرق کيمي قبول ائتديرمک ايسته ديگي فارسلارا مخصوص اولدوقلاريني قبول ائتديرمک ايسته يير.

بو عيرقچي و شووينيست تفککورو فورمالاشديرماغي اؤزلرينه اساس هدف سئچن شاه رئژيمي و اينديکي موللا حاکيميتي سيستئملي فورمادا ايش آپاريرلار. شووينيست سيياسته سؤيکنن آيريسئچکيليک سيياستي سياسي و مدني ساهه لرله برابر، ايقتيصادي ساهه ده ده آپاريلماقدادير.

گونئي آذربايجان بؤلگه لري ايقتيصادي جهتدن گئريده قالميش بؤلگه لر سيياهيسيندادير. رسمي ستاتيستيکايا گؤره باتی (غربي) آذربايجان ، دوغو (شرقي) آذربايجان ، اردبيل، قزوين، اراک ، همدان ، زنجاندا اهالي نين ۳۵ فايزيندن چوخو ايشسيزدير. گونئي آذربايجان ماليک اولدوغو طبیعي ثروتلردن گلن گليرلر حسابينا ميلياردلارلا دولار الده ائده بيله جگي حالدا، اورادا ايري ميقياسلي صنايع و بيزنئس موحيطي يوخدور. شرقي آذربايجان ويلايتينده خيردا صنايعدن گلن ايلليک گلير ان ياخشي حالدا ۲۵۰ ميليون دولاري کئچمير.

حاکيم رئژيم بودجه يه گلن گليرلري غئيري-فارس ميلتلره منسوب اراضيلرده کي يئر آلتي و يئر اوستو ثروتلرين حسابينا، اساسن ده گونئي آذربايجانين ميللي سروتلري و ماليييه قايناقلاري ، وئرگيلر و ديگر منبعلر حسابينا الده ائدير.

بؤلگه لره آيريلان وسايط ايسه آيريسئچکيليک سيياستي اساسيندا آپاريلير. ۲۰۰۷-اینجي ايلين بودجه سينه نظر سالديقدا، ۵ ميليونا ياخين اهاليسي اولان شرقي آذربايجان ويلايتي اوچون بو ايل بودجه دن يالنيز ۴.۱ ميليارد دوللار مبلغينده وسايط آيريلديغي حالدا، ۳ ميليونا ياخين اهاليسي اولان فارس اوستانينا آيريلان پاي ۲ ميليارد ۳۸۰ ميليون دوللاردير. نئفتدن الده اولونان گليرلردن گونئي آذربايجاندا غئيري -نئفت سئکتورونون اينکيشافي اوچون دئمک اولار کي، هئچ بير وسايط آيريلمير.

لاکين، رئژيمين آپارديغي آيريسئچکيليک سيياستي نتيجه سينده آيريلان بودجه وسايطيندن علاوه نئفتدن گلن گليرين ۲ فايزي فارس اوستاني نين اينکيشافينا خرجله نير.

قئيد ائتمک لازيمدير کي، گونئي آذربايجان اراضيسينده کي نئفت احتياطلاري، نئفت ياتاقلاري نين سايي و اورادا مؤوجود نئفت احتياطلاري نين کئيفيتي حاضيردا رئژيمين و خاريجي دؤولتلرين ماراق دايره سينده دير. موغان نئفت ياتاقلاري نين آشکارلانماسي ايله ياناشي، بيجار و ساوه بؤلگه سينده ده موختليف کشفيات ايشلري آپاريلير.

گونئي آذربايجان بؤلگه سي اوچون بودجه دن آيريلان وسايط شيشيرديلميش رقملرله گؤستريلسه بئله، بو رقملر فارس بؤلگه لرينه آيريلان وسايطه موقاييسه ده قات-قات آزدير.

آجيناجاقليسي ايسه اودور کي، گونئي آذربايجان اوچون آيريلان وسايط واختيندا وئريلمير.

گونئي آذربايجان چوخ سايدا يئرالتي ثوتلره ماليکدير. آپاريلان آراشديرمالاردان معلوم اولوب کي، ايندييه ده تکجه ۱۷۴ قيزيل، ۲۳۳ ميس و ديگر قييمتلي الوان مئتال معنلر ايستيفاده ده ير. سونگون ميس و قيزيل معني ان بؤيوک معنلردندير کي، ۶۶۹ ميليون توندان ۱.۷ ميليارد تونا قدر ان يوکسک پروبلو خامالا ماليکدير. بو معنين خامالي گونئي آذربايجاندان ۲۰۰۰ کيلومتر کناردا يئرلشن کيرمان شهرينده کي زاووددا (ایش یئری-کارخانه) ائمال ائديلير.

عوموميليکده، گونئي آذربايجان اراضيسينده قيزيل، ميس و ديگر الوان مئتال مدنلريندن گلن گلير ميلياردلارلا حسابلانير. تيکانتپه شهرينده کي دره شوران قيزيل معدني بؤيوک قيزيل معدنلريندن بيريدير و ۵۰ تون خاليص قيزيل احتياطينا ماليکدير. بو معدندن هر ايل ۳ تون قيزيل ايستحصال اولونماسي نظرده توتولوب. بوندان علاوه آغ دره قيزيل معدنيندن هر ايل ۲.۲ تون قيزيل الده اولونور.

ماراقليسي بودور کي، گونئي آذربايجانين ميس، قيزيل و ديگر معدنلرينده موتخصيصلري نين اکثريتي فارسلاردان، فهله قوووه سي ايسه آذربايجانليلاردان عيبارتدير.

اونسوز دا آغير ايش رئژيمينده ايشله ين آذربايجانلي فهله لر تئز-تئز موختليف پروبلئملرله - آيليق مأواجيبلرين گئجيکديريلمه سي، ايشسيزليک سيغورتاسي وئريلمه دن ايشدن قووولما و ديگر بو کيمي آجيناجاقلي حاللارلا قارشيلاشيرلار.

ايراندا سراميک و چيني ايستحصاليندا ايستيفاده اولونان خامالين ۹۰ فايزي (۳۳-۹۰ ميليون تون) مرندده يئرلشن کاولين زنوز مدنلريندن چيخاريلير. لاکين ، سراميک و چيني ايستحصال ائدن زاوود و فابريکلرين اکثريتي فارسلارين ياشاديغي بؤلگه لرده جملشيب.

گونئي آذربايجاندا کند تصروفاتي نين اينکيشافينا و کندده ايشسيزليک پروبلئمي نين هللينه شرايط ياراديلمير. ائله بونا گؤره ده بانکلارين اهالييه وئرديگي کرئديتلرين قايتاريلماسي چتينلشيب و دئمک اولار کي، کند اهاليسي نين اکثريتي بانکلارا اولان بورجلاريني قايتارا بيلمه ديکلري اوچون اونلارين تورپاق و ديگر املاکلاري بانکلار طرفيندن اللريندن چيخاريلير.

اؤلکه ده اينفيلياسييانين (تورم) يوکسک حدده چاتماسي، تهران و ديگر ايري شهرلره اينسان آخيني نين آرتماسي بؤلگه لرده کي ايشسيزليک و يوخسوللوق نتيجه سينده باش وئرير.

شووينيست و سيستئملي تهقير اوزرينده قورولموش سيياست يورودن فارس موللا رئژيمي عئيني زاماندا “ميللي بيرليک” شوعاعرلاري ايره لي سورور. علي خامنه اي نين ۲۰۰۷-اینجي ايل نووروز بايراميندا بو ايلين “ميللي بيرليک و ايسلامي باغليليق ايلي” ائلان ائتمه سي ده بو سيياست اوزرينده قورولموش آلداديجي شوعاعرلارداندير.

بو هم ده اورادا گئدن ميللي آزادليق هرکاتينا قارشي ساواش مؤوقئيي نين توتولماسي آنلاميندا قبول ائديلمه ليدير.

اگر فارس موللا رئژيمي نين اساس قايه سي “واحيد فارس ميلتي” ، “واحيد فارس دؤولتي” ، “واحيد ايران” آدي آلتيندا بير اؤلکه فورمالاشديرماقديرسا، آپاريلان سيياستين ماهيتي تام اولاراق گؤرونور.

فرضيييه اوزرينده قورولموش بو شووينيست دوشونجه سيستئمي منطيقي ايضاحي و گئرچکلشمه سي مومکون اولماديغيندان محوه محکومدور.

سؤزسوز کي، اورادا ياشايان آذربايجان تورکلري بو سيياستي نين ماهيتيني تماميله درک ائدير و دونيادا قبول اولونموش سيويل اوسوللارلا اؤز ميللي کيمليک و ميللي آزادليقلاري اوغروندا تشکيلاتلانميش فورمادا موباريزه آپارير.

صاديق عيسی بئيلي
گونئي آذربايجان ايستيقلال پارتيسينين آذربايجان اوزره آراشديرما و متبوعات سوروملوسو
۰۳/۰۵/۲۰۰۷

، بیر میللتین سسی
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی