ناتوانين قاراباغ فريادي - نوريده آتشي (شعر)
بای بک، آذربایجان | آنناآخشامي, ۲۰-ي گؤلن آی , ۱۱۰۰۷ اینجی ایل, چولا ۱۸:۲۶ [آ.خ] | تورکجه, شعر
|
آردان، ناموسدان؛ غئيرتدن… جادار-جادار، چات-چات اولوب قبيرلري.. هارداسينيز ائي ديريلر!!! اؤلولر تاب گتيرمه يير، سيز نئجه تابلاشيرسينيز؟ اوت يئرينه، گول يئرينه قيلينج بيتير قبيرلردن. |
قاراباغين گؤيلرينده
قاخيب-ائنير بمدن-زيله،
زيلدن-بمه
آنالارين فرياد سسي.
قاراباغين شيکسته سي.
من هارايا گلميشم…
گئجه-گوندوز
اللرينده لوپا چيراق،
داغ باشيندا ” اوغول ” دئييب
هاي ووراراق
يول گؤزله ين آنالارين
صبري سونا يئتير، تانريم!
من ايمدادا گلميشم…
اسير دوشن اوغوللارين؛
گلينلرين، قيزلارين
هاچان گئري دؤنه جگي بيلينمه يير.
ياغيلارين قاپيسيندا دوشوب قالان آنالارين
” وئر بالامين مئييديني ”
يالواريشي، هايقيرتيسي کسيلمه يير.
من فريادا گلميشم…
قاراباغدان قاراباغا سرحدلر وار، کئچيلمز،
وطنيمدن وطنيمه مفتيللر وار؛ آشيلماز،
تورپاغيمدان تورپاغيما ديرکلر وار؛ اوچولماز…
سرحدلري آشيب کئچيب،
دوشمنيمي باسيب کئچيب،
من ساواشا گلميشم…
خان قيزييام؛ دؤزمور اورک؛
دؤزمور داها
بو زولومه؛ بو آهلارا.
وطنيمين بير پارچاسي آديندان،
تورپاغيمين بير تيکه سي آديندان؛
اسير قاراباغين قارا باغريندان؛
اوزئييرين، بولبولون، خانين آديندان
باغريم باشي يانا-يانا
من عوصيانا گلميشم…
توپخانادا توپ-توفنگلر آچيلاندان
داها آچمير خاري بولبول.
گؤزلرينده ياش قورويان
آنالار تک،
سويو يوخا چيخيب ايسا بولاغي نين.
جيدير دوزونون کؤکسونه
داغ چکيليب چالين-چارپاز.
گؤزلري يوللاردا قاليب.
اوزئييرين موسيقيسي باتيب ياسا،
جاببار آغي دئيير
شيکسته نين يئرينه گوندوز-گئجه.
بولبول دارا چکيب اؤزونو زنگوله سينده…
خانين سسي باتيب شوشا الدن گئدني.
واقيفين مقبره سي نين
تپه سيندن توستو قالخير…
شوشا قالاسيندا داش اوستده داش قالمادي؛
آزيخ ماغاراسيندا علوموزدان ايز قالمادي.
نه بير اوجاق؛ بير ائو قالدي خوجاليدا؛
نه کؤک قالدي؛ نه سوي قالدي خوجاليدا.
بير گئجه ده يوخا چيخدي
قديم بير يورد؛
بير نسيل،
بير سوي…
وئرين منه بير گئجه نين حسابيني!
وئرين منه بير نسيلين حسابيني!
وئرين منه خوجالي نين حسابيني!!!
وئرين منه قاراباغين حسابيني!
اؤلولره وطن گرک دئييلمي بس؟
شهيدلره مزار گرک دئييلمي بس؟
مزارلار دا شهيدلرين بدني تک
دليک-دئشيک؛ نامرد دوشمن گولله سيندن.
قبيرلره داملا-داملا آخان؛ سيزان
شهيد قاني قورومايير.
مزاريندا ساچين يولور آنالار.
آتالارين باشداشلاري
اَييليب درد اليندن.
باشيني قالديريب باخا بيلمير
کيمسه يه خجالتدن.
گؤزلري نين اؤنونده
باجيلاري زورلانان قارداشلارين
مزاردا باغري چاتلاييب؛
آردان، ناموسدان؛ غئيرتدن…
جادار-جادار، چات-چات اولوب قبيرلري..
هارداسينيز ائي ديريلر!!!
ائي جانليلار!
اؤلولر تاب گتيرمه يير، سيز نئجه تابلاشيرسينيز؟
دئيين؛ بئله رذالتله سيز نئجه باريشيرسينيز؟..
سيز بو داغي اونوتساز دا،
تبريز کيمي، دربند کيمي،
ايروان، زنگزور کيمي
قاراباغدان ال چکسز ده،
قاراباغدان گؤز چکسز ده
شهيدلر ال چکميه جک.
اوت يئرينه، گول يئرينه قيلينج بيتير قبيرلردن.
قالخيب ساريلاجاقلار بير گون!!!
اونوتمايين،
اؤلولرين قييامي يامان اولور!
شهيدلرين قيصاصي يامان اولور!
هارداسينيز جاوانشيرلر!
هارداسينيز کوروغلولار!
هارداسينيز بابکلريم؛
نبيلريم!
هارداسينيز ايگيدلريم؛
نرلريم!!!
ائل-اوبا اود توتوب يانير،
بو ائل سيزي باغيشلاماز!
ياغيلارين تاپداغيندا
فرياد چکير تورپاغيميز
تورپاق سيزي باغيشلاماز!
تاريخ بيزيم، حاق بيزيمدير،
حاق سيزي باغيشلاماز!
تاريخ سيزي باغيشلاماز!
خان قيزي نين هارايينا،
هاي وئرمه يه قالخماسانيز،
قاراباغين ناله سينه،
ايمدادينا چاتماسانيز؛
تورپاقلاري سيز گئرييه آلماسانيز
وطن سيزي باغيشلاماز!
قاراباغيم بونو سيزه باغيشلاماز!
خان قيزي دا باغيشلاماز!!!
باغيشلاماز…
(مئديافوروم)
، بیر میللتین سسی
پایلاش | پرینت
بورا باغلي يازيلار:
- خوروز قويروغي می، یوخسا عباس-ا آند ایچمک می؟ مرتضی نگاهی نه دئيير؟
- سنين کيمي قارداش اولماز اولايدي !؟٫ (الهام عليئو) - ماحمود علي چؤهره قانلي
- ايلهام اليئو-ين آدي متبوعاتي ان چوخ تعقيب٫ اذيت ائديب و ژورناليستلري اؤلدورن ۱۰ ديکتاتورلا ياناشي چکيلدي
- علييئولر عاييله سي ده پارچالاندي
- توران خانيم جاويد - گؤنتاي گئنجآلپ
- چرا نبايد به سرويسهاي اينترنتي غير تورک اطمينان نمود؟ الفبا را چه کنيم؟
- ساختاکارليق باش توتمادي
- ناتو-دان آذربايجانا ديپلوماتيک هوجوم
- ائلچي بئیله اوز- اوزه - گؤنتاي گئنجآلپ (جاوانشير)
- چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (اون دؤردونجو بؤلوم) - رحيم جاوادبئيلي
http://www.baybak.com
بای بک سایتیندان پرینت اولوب
http://www.11007.baybak.com/765.azr
یازینین اینترنت آدرسی
گوروش کاپانیبدی