یاشاسین آذربایجان - Long live Azerbaijan

.

باسقی، هده قورخو و خیانت لر حرکتیمیزی دوردورا بیلمیر. گنج لریمیز میللی وارلیقلارینا صاحیب چیخیر و جانلا-باشلا مدنی موباریزه لرینه گوج وئریرلر. با خمایاراق کی اوچ بئش لمپن ده بو آرادا اوز اربابلاری بویوک لمپن لره دستک اولور و حرکتیمیزده نفاق سالماغا چالیشیرلار، آما یقین کی اونلارین دا زامانی بیتمک اوزه ره دیر. میللی موباریزه میز ان دویارلی گونلرین کئچیریر. بو گونلرین گره کچه سی یالنیز و یالنیز بیر ال و بیر یوموروق اولماقدیر.

---

---

گونلر بیر به بیر گلیب و کئچیر. بو آرادا گونده ن گونه گونئی آذربایجان میللی حرکاتی گوجلنیر و یئنی بیر سیاسی دوروم اورتایا چیخیر. توتوقلانانلارین سایی سینین آرتماسی، متینگ لرین چوخالماسی، اینترنت سایت لارینین فعال اولماسی و میللی تلویزیونوموزن یاشاماسی هامیسی میللی حرکتین ایلرله مه سینین گوسترگه سی دیر. خورداد آیی نین بیری آذربایجان تاریخینده ابدی لشن بیر گوندور.

نئیه کی بو گونده میللی حرکتیمیزده اولان ایلرله مه ذیروه یه چاتمیش دیر. یوز مینلر انساندان آرتیق انسانیمیز خیاوانلاردا میللی گوجلرین نمایشه قویموشلار. بو تاریخی گون میللتیمیزین نه قده ر گوجلو اولماسین گوستریر. میللی حرکتیمیز او قده ر گوجلنمیش کی بو گون ایران آدلی توتالیتر اولکه و سیستمین بیرینجی سورونو حالینه گلمک ده دیر. هر گون دسته دسته انسانلار منلیک لرینه گئری دونور و سیاسی موجادیله میزین اون صفلری و سیرالارینا کئچیرلر.

باسقی، هده قورخو و خیانت لر حرکتیمیزی دوردورا بیلمیر. گنج لریمیز میللی وارلیقلارینا صاحیب چیخیر و جانلا-باشلا مدنی موباریزه لرینه گوج وئریرلر. با خمایاراق کی اوچ بئش لمپن ده بو آرادا اوز اربابلاری بویوک لمپن لره دستک اولور و حرکتیمیزده نفاق سالماغا چالیشیرلار، آما یقین کی اونلارین دا زامانی بیتمک اوزه ره دیر. میللی موباریزه میز ان دویارلی گونلرین کئچیریر. بو گونلرین گره کچه سی یالنیز و یالنیز بیر ال و بیر یوموروق اولماقدیر.

چئشیدلی مفکوره لره صاحیب اولملارینا باخمایاراق مدنیت لی انسانلار سایاغی بیرلشمک زامانی گلمیشدیر. هرکس باشقاسینا سایقی دویمالی دیر و حرکتیمیز ایچینده بیرلیگیمیزه مانع اولان انگل لر هر کسه تانیتدیریلیب و حرکتده ن اوزاق توتولمالی دیرلار. منم منم لیک سوره سی بیتمکده دیر. ایندی آذربایجانین بیر یوخ بلکه مینلر لیدری واردیر. اساس لیدرلر ایسه سس سیز-سمیرسیز چالیشیب و فارس شونیزمی نی گیجلده ن گنج لریمیزدیر. وحید بی داورپناه دئمیشکن ال-اله، قول قولا، چیگین-چیگینه و اوموز-اوموزا خیاوانلارا توپلاشاراق سسیمیزی دونیایا چاتدیریب و میللی حرکتی ایره لی گوتورمه لییک.

ایرانین بوتون بولگه لرینده یاشایان آذربایجانلی لاری باغریمیزا باساراق، اونلارلا برابر میللی حاقلاریمیزی طلب ائتمه لییک. تهراندا اولان میللی فعاللاریمیزین یوکو داهادا آغیردیر. تهراندا اولان اویرنجی لر اوجاغین تام ایچینده دیرلر. اونلارین حتی کیچیک بیر گوستریسی بویوک سیاسی سونوچلارا یول آچا بیله ر. دونیا مئدیاسینین دایما گوزو تهراندادیر. تهران ایسه فتح ائدیلمه سی گره کن بیرینجی سنگریمیزدیر.

عرب، کورد، تورکمن، بلوچ و لر میلتلری جانا گلیب لر. اونلاردا بیزه تای فارس شونیزمی الینده ن بئزار اولموشلار. اونلاری اوز سیرالاریمیزا گتیرمه لییک. اویرتمن لر، ایشچی لر و قادینلارلا بیر آرایا گله ره ک محض آذربایجان میللی منافعی اوغروندا موباریزه ائتمه لی ییک. قوی آذربایجانین اویرتمنی، ایشچیسی و قادینی دا اوزگور و دینج یاشاسین. آذربایجان میللی حرکتی بوتون اعتراض روحیه لری اولانلاری قوجاغینا آلمالی دیر. بیزیم حرکت بویوک حرکت دیر. آذربایجانین هر نه یی بیزیمدیر. قوی بوتون آذربایجان اینسانی سعادتده یاشاسین. آذربایجان میللی حرکتی اومید قایناغی اولمالی دیر. نئیه کی آذربایجان میللی حرکتی چیزدیگی مدرن گله جکده توپلومون بوتون قاتلاری دینج و اوزگور یاشایاجاق.

بو گون بیرلشمه زامانی دیر. شونیزمین دیزه چوکمک زامانی یاخینلاشیر و گله جک بیزیم یولوموزا گوزله ییر.

گله جک بیزیمدیر

، بیر میللتین سسی
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی